Լոնդոնի հայտնի թաղամասերից մեկում վաճառքի հանված տան համար, կարծես, գտնվել է համապատասխան գնորդ՝ հարուստ և հաճելի արտաքինով Դոնովանը: Գլխավոր հերոսը՝ Լյուսին, որ փխրուն, ոչ կայուն հոգեբանական վիճակում գտնվող երիտասարդ կին է, հանգամանքների բերումով, ստիպված է լինում անձամբ կազմակերպել տան ցուցադրությունը: Արդյո՞ք դա նրան կհաջողվի, արդյո՞ք տղամարդը կլինի այն ցանկալի գնորդը, որին սպասում են: Անկանխատեսելի շրջադարձեր, գաղտնիքներով պարուրված կերպարներ ու սարսափելի բացահայտումներ... Այսպիսին է բրիտանացի ժամանակակից գրող Քրիս Յուանի «Տան որսը», որը մի շնչով ընթերցվող թրիլեր է: Այն ողջ ընթացքում ընթերցողին պահում է լարվածության մեջ, բայց, միևնույն ժամանակ, մոտիվացնում է, քանի որ վեր է հանում մարդկային ոգու անպարտելի ուժը, և փաստում , որ անգամ թույլ մարդն ի վիճակի է աներևակայելի հերոսության, եթե նրա ազնիվ նպատակ է դրված:
